सर्लाहीको हरिवनबाट प्रहरीले ठूलो परिमाणमा लागूऔषधसहित मोटरसाइकल बरामद गरेको छ । बरामद लागूऔषध र मेटरसाइकल आइतवार दिउँसो इलाका प्रहरी कार्यालय हरिवनमा पत्रकार सम्मेलन गरी सार्वजनिक गरिएको हो ।
बा ६२ प ४६४१ नम्वरको मोटरसाइकलमा हरिवननगरपालिका ६ घुर्कौलीबाट उत्तरतर्फ आइरहेको समयमा प्रहरीलाइ देख्नासाथ चालकले बोरा र मोटरसाइकल छोडेर भागेको प्रहरीले जनाएको छ । बरामद गरिएको लागूऔषध डाइलक्स १ सय एक,वायरलक्स १सय अन्ठान बोतल नाइट्रोभेट ८९८,स्पामो २८८ थान ट्याब्लेट बरामद गरिएको हरिवनका प्रहरी निरीक्षक राजेन्द्रप्रसाद उपाध्यायले पत्रकार सम्मेलनमा जानकारी दिएका छन् । उनका अनुसार लागुऔषध कारोबारमा संलग्नको खोजी भैरहेको जनाएको छ ।
