सर्लाहीमा थप ४७ जनामा कोरोना, सर्लाहीमा संक्रमितकाे संख्या ५९२ पुग्यो

सर्लाहीमा आज थप ४७ जनामा कोरोना संक्रमित देखिएको छ । यो सँगै सर्लाहीमा संक्रमितकाे संख्या ५९२ पुगेको छ ।

सोमबार ईश्वरपुर नगरपालिकाका ३२ र बरहथवा नगरपालिकाका १५ जना गरी थप ४७ जना नयाँ संक्रमित फेला परेको प्रमुख जिल्ला अधिकारी मोहन जिसीले जानकारी दिए । केही दिनयता हरेक दिन जसो १/२ जनामा मात्र कोरोना भाईरस पोजेटिभ देखिएपनि सोमबार भने सर्लाहीमा ह्वात्तै ठूलो संख्यामा संक्रमित देखिएका हुन् । भारतबाट आएर क्वारेन्टाइनमा बसिरहेका हरुको काठमाडौंको टेकुमा थ्रोट स्वाब परीक्षणबाट पोजेटिभ देखिएको बताईएको छ ।