सर्लाहीमा ३ बालबालिका सहित २३ जना कोरोना संक्रमित

सर्लाहीमा कोरोना संक्रमितका बिरामी बढेर ५ सय भन्दा बढि पुगेको छ ।

आज सोमवार मात्र १ जना बालक र २ जना बालिका सहित एकै दिन २३ जना कोरोना संक्रमित बिरामी थपिएका छन् । सबैभन्दा बढि बलरा नगरपालिकामा १५ जना, हरिपुर नगरपालिकामा ७ जना र हरिपुर्वा नगरपालिकामा १ जना गरी जम्मा २३ जनामा कोरोना संक्रमण देखिएको छ ।

जस मध्ये १ बालक र २ बालिका रहेको सर्लाहीका प्रमुख जिल्ला अधिकारी मोहन बहादुर जिसीले जानकारी दिए । यो सँगै सर्लाहीमा कोरोना संक्रमित हुनेको संख्या ५ सय १० पुगेको छ ।

यसैगरी ५१० कोरोना संक्रमित मध्ये ६१ जना उपचार पछि घर फर्किसकेको प्रजिअ जिसीले बताए ।