आज फेरी सर्लाही ५ जना कोरोना संक्रमित थपिएका छन् ।

सर्लाहीमा आज शुक्रवार फेरी ५ जना कोरोना संक्रमित थपिएको छ । यो सँगै सर्लाहीमा कोरोना बाट संक्रमित हुनेको संख्या ५ सय ३५ पुगेको छ ।

थपिएको ५ जना कोरोना संक्रमित गोडैता नगरपालिका र चक्रघट्टा गाउँपालिकाका रहेका छन ।

गोडैता नगरपालिकामा ३ जना थपिएको छ भने चक्रघट्टा गाउँपालिकामा २ जना नयाँ कोरोना संक्रमित थपिएको सर्लाहीका प्रमुख जिल्ला अधिकारी मोहन बहादुर जिसीले जानकारी दिए ।

आज शुक्रवार ११ जना कोरोना पोजेटिभ व्यक्तिहरुको रिपोर्ट आए पनि ६ जना पुरानै कोरोना संक्रमितहरु रहेका र ति सबै चक्रघट्टा गाउँपालिकाकै रहेको प्रजिअ जिसीले बताए ।